Welkom beej

Wae hebbe we dao dan

Beej ein aantal muzikante oet Groeët-Venlo ontstond tiedes de 11de van d’n 11de 2024 ‘t idee um ein band op te richte die veural gerich is op ‘t speule van dae gooije alde Venlose Vastelaoves-meziek. Op Vastelaovesmaondag 2024 waas dan ouk ‘t ierste optraeje onder dit concep met ouk nog ein aantal gast-artiste die spontaan kwaame mei-doon.

Det optraeje waas ein groeët succes en veur de muzikante aanleiding um as band vaerder te gaon onder de naam Wae Hebbe We Dao Dan?

Van ’t Veurjaor, Twië bein wies Same Zinge en van Stina, Ik heb genne sleutel wies Ein Jaor:

de band speult meziek veur jónk en ald.

Smeis origineel en smeis in ein niej jèske!

De bandleeje, Yvonne Geurts (zang), Fred van den Essen (bas), Pierre Vullings (drums), Dave van Lieshout (trompet), Chris Goumans (toetsen) en Rens Vullings (gitaar) hebbe muzikale roots in bands as Aparty, Butterkeks, Neet oët Lottum en Waan! en maake van idder optraeje gaer ein feesje.